ସରକାରୀ ନିର୍ଦେଶ କ୍ରମେ ମଛାକୋଟ ପଞ୍ଚାୟତରେ ଜନ ଶୁଣାଣି କାର୍ଯ୍ୟକ୍ରମ |

 

ଶଙ୍କର ପାଣିଗ୍ରାହୀ ମଛାକୋଟ  ତା ୧୭/୧୧/୨୦୨୫ ସୋମବାର :- ଆଜି ମଛାକୋଟ ପଞ୍ଚାୟତରେ ଜନ ଶୁଣାଣି କାର୍ଯ୍ୟକ୍ରମ ଅନୁଷ୍ଠିତ ହୋଇଥିବା ଦେଖିବାକୁ ମିଳିଛି | ଉକ୍ତ କାର୍ଯ୍ୟକ୍ରମଟି ମଛାକୋଟ ଗ୍ରାମରେ ଅନୁଷ୍ଠିତ ହୋଇଥିବା ବେଳେ ସକାଳ ୧୦:୦୦ ଘଣ୍ଟାରେ ଆରମ୍ଭ ହୋଇ ପ୍ରାୟ ଦିନ ୨:୦୦ ଘଣ୍ଟା ପର୍ଯ୍ୟନ୍ତ ଚାଲିଥିଲା |କାର୍ଯ୍ୟକ୍ରମରେ    ଧରାକୋଟ ବ୍ଲକର ସମସ୍ତ ବିଭାଗର କାର୍ଯ୍ୟରତ ଅଧିକାରୀ ମାନେ ଉପସ୍ଥିତ ରହି ସ୍ଥାନୀୟ ଲୋକଙ୍କ ଅସୁବିଧା ବୁଝିଥିଲେ | ଉକ୍ତ କାର୍ଯ୍ୟକ୍ରମରେ ଧରାକୋଟ ଗୋଷ୍ଟି ଉର୍ଣ୍ଣୟନ ଅଧିକାରୀ,ଅତିରିକ୍ତ ଗୋଷ୍ଟି ଉର୍ଣ୍ଣୟନ ଅଧିକାରୀ, ଗୃହ ବିଭାଗ,ଶ୍ରମ ଅଧିକାରୀ,କୃଷି ଅଧିକାରୀ,ଯୋଗାଣ ଅଧିକାରୀ,ନାଗରିକ ସୁରକ୍ଷା ଅଧିକାରୀ,ଶକ୍ତି ବିଭାଗ,ରାଜସ୍ବ ବିଭାଗ,ସ୍ୱାସ୍ଥ୍ୟ ଅଧିକାରୀ,ପୋଲିସ ଅଧିକାରୀ,ପଞ୍ଚାୟତ ପି.ଓ,ଏ.ଡି.ଓ,  ଗଣ ମାଧ୍ୟମ ଓ ସ୍ଥାନୀୟ ସରପଞ୍ଚ,ନ୍ୟାୟ ସରପଞ୍ଚଙ୍କ ସହ ଅନେକ ବରିଷ୍ଠ କର୍ମୀ ମିଳିତ ଉପସ୍ଥିତ ଥିବା ଦେଖିବାକୁ ମିଳିଛି | ସୂଚନା ଥାଉକି ସରକାରଙ୍କ ଏଭଳି ଜନ ଶୁଣାଣି କାର୍ୟ୍ଯକରମର ମୁଖ୍ୟ ଉଦ୍ଧେଷ୍ୟ ଲୋକଙ୍କ ସମସ୍ୟାକୁ ମୂଳରୁ ଉତ୍ପାଟନ କରିବା ଏବଂ ସମସ୍ତ ସରକାରୀ ସୁବିଧା ଲୋକଙ୍କ ପାଖକୁ ସୁବିଧାରେ ପହଞ୍ଚାଇବା |ଉକ୍ତ କାର୍ଯ୍ୟକ୍ରମର ସୂଚନା ସଠିକ ସମୟରେ ଲୋକଙ୍କ ନିକଟକୁ  ପହଁଚି ନଥିବା ସୂଚନା ମିଳିଛି ତେଣୁ ଏତେ ସୁନ୍ଦର କାର୍ଯ୍ୟକ୍ରମରେ ମାତ୍ର ୪୫ ଜଣ ଅଭିଯୋଗ କାରି ପହଁଚି  ଅଭିଯୋଗ ଦାଖଲ କରିଥିବା ସହ ମାତ୍ର ୬ ଜଣଙ୍କ ତତ୍କାଳ ସମାଧାନ ହୋଇଥିବା ସୂଚନା ଧରାକୋଟ ଗୋଷ୍ଟି ଉର୍ଣ୍ଣୟନ ଅଧିକାରୀ ଦେଇଥିଲେ |ସମସ୍ୟା ମଧ୍ୟରେ ଲୋକଙ୍କୁ ୨ ମାସ ହେବ ମୁକ୍ତ ଚାଉଳ ନମିଳିବା,ଭତା ନମିଳିବା,ଘର ନମିଳିବା,ରାସନ କାର୍ଡ ନମିଳିବା ଭଳି ଅନେକ ସମସ୍ୟା ଦେଖିବାକୁ ମିଳିଛି ଉକ୍ତ ମଧ୍ୟରୁ ମଛାକୋଟ ପଞ୍ଚାୟତର ଚାଉଳ ଦୁର୍ନୀତି ଘଟିଥିବା ଅଭିଯୋଗ କାରଣରୁ ଚାଉଳ ବଣ୍ଟନ ହୋଇନଥିବା ଜଣାପଡିଛି ତାହାର ତଦନ୍ତ ପାଇଁ ଗୋଷ୍ଟି ଉର୍ଣ୍ଣୟନ ଅଧିକାରୀଙ୍କ ହସ୍ତକ୍ଷେପ ନିହାତି ଆବଶ୍ୟକ ବୋଲି କହିଲେ ଅଞ୍ଚଳ ବାସି | ଯେଉଁ କାର୍ଯ୍ୟ କ୍ରମରେ ସମସ୍ତ କର୍ମଚାରି ନିଜ ହେଡ଼କ୍ଵାଟର ଛାଡି ସାରା ଦିନ ସମୟ ଅତିବାହିତ କରି ଲୋକ ସେବାରେ ଉପସ୍ଥିତ ରହି ଲୋକଙ୍କ ସମସ୍ୟା ସମାଧାନ କରିବାରେ ସଫଳତା ହାସିଲ କରିଥିବା ଦେଖିବାକୁ ମିଳିଛି | ସରକାରଙ୍କ ଏଭଳି କାର୍ଯ୍ୟକ୍ରମକୁ ସ୍ଥାନୀୟ ବୁଦ୍ଧିଜୀବୀ ମାନେ ପ୍ରଶଂସା କରିଥିବା ଦେଖିବାକୁ ମିଳିଛି ସେମାନଙ୍କ କହିବା କଥା ଯଦି ସଠିକ ଭାବେ ଏହି କାର୍ଯ୍ୟକ୍ରମ କରାଯାଏ ନିଶ୍ଚୟ ଲୋକଙ୍କ ସମସ୍ୟା ସମାଧାନ ହୋଇପାରିବ  |      

  

ଧରାକୋଟରୁ ଶଙ୍କର ପାଣିଗ୍ରାହୀଙ୍କ ରିପୋର୍ଟ

            ମୋ ନିଯୁଜୁ ଓଡିଶା