ମଥୁରା ନିକଟରେ ଗଛକୁ ପିଟି ହେଲା ବାଇକ୍, ୨ ଗୁରୁତର

 

ଭାରସାମ୍ୟ ହରାଇ ଗଛକୁ ପିଟିଲା ବାଇକ୍। ଦୁର୍ଘଟଣାରେ ୨ ଆହତ। ଗଞ୍ଜାମ ଖଲ୍ଲିକୋଟ ଥାନା ମଥୁରା ନିକଟରେ ଏଭଳି ଏକ ଦୁର୍ଘଟଣା ଘଟିଥିବା ସୂଚନା ମିଳିଛି। ଖଲ୍ଲିକୋଟ ପଟୁ ଏକ ହୋଣ୍ଡା ସାଇନ୍ ଯୋଗେ ୨ ଯୁବକ ନୂତନ ବ୍ରହ୍ମପୁର ଆସୁଥିବା ବେଳେ ବାଇକ୍ ଟି ଭାରସାମ୍ଯ ହରାଇ ଏକ ଗଛକୁ ପିଟି ହୋଇ ଯାଇଥିଲା। ଦୁର୍ଘଟଣାରେ ୨ ଯୁବକ ଗୁରୁତର ଆହତ ହୋଇଥିବା ସୂଚନା ମିଳିଛି। 

ନୂତନ ବ୍ରହ୍ମପୁରର ମଙ୍ଗୁଳୁ ନାହାକଙ୍କ ସମେତ ଅନ୍ୟ ଜଣେ ଯୁବକ ଗୁରୁତର ଆହତ ହୋଇଛନ୍ତି। ଉଭୟଙ୍କୁ ଖଲ୍ଲିକୋଟ ମେଡିକାଲରେ ଭର୍ତ୍ତି କରାଯାଇଛି।