ଭଞ୍ଜନଗର ( ଚିନ୍ମୟ କୁମାର ବେବର୍ତ୍ତା) ପ୍ରଜାପିତା ବ୍ରହ୍ମାକୁମାରୀ ଈଶ୍ବରୀୟ ବିଶ୍ବବିଦ୍ୟାଳୟ ର ମୁଖ୍ୟାଳୟ ମାଉଣ୍ଟ ଆବୁର ପୂର୍ବତନ ପ୍ରଶାସିକା ରାଜଯୋଗିନୀ ଦାଦୀ ପ୍ରକାଶ ମଣିଙ୍କ ୧୮ତମ ପୂଣ୍ୟ ତିଥିରେ ଭଞ୍ଜନଗରର ଶାନ୍ତିସ୍ରୋତ ଭବନରେ ଶ୍ରଦ୍ଧାଞ୍ଜଳି ଅର୍ପଣ ସହିତ ରକ୍ତଦାନ ଶିବିର ଆୟୋଜିତ ହୋଇଥିଲା। ଏହି ଅବସରରେ ଉତ୍ତର ଘୁମୁସର ବନାଞ୍ଚଳ ଅଧିକାରୀ ଶ୍ରୀ ହିମାଂଶୁ ଶେଖର ମହାନ୍ତି,ଏମ.ଭି.ଆଇ ଶ୍ରୀ କିଶୋର କୁମାର ଦେ, ଷ୍ଟେଟ ବ୍ୟାଙ୍କ ପରିଚାଳକ ଶ୍ରୀ ହୃଷିକେଶ ବେହେରା, ଉପଖଣ୍ଡ ଚିକିତ୍ସାଳୟର ଡ. ସତୀଶ ମୋହନ ପାଢ଼ୀଙ୍କ ସହ ସହକର୍ମୀ ବିପିନ୍ କୁମାର ପାଣିଗ୍ରାହୀ, ଲକ୍ଷ୍ମୀ ନୃସିଂହ ମାଝି ଓ ଅର୍ଚ୍ଚନା ସାହୁ, ସମାଜସେଵୀ ଶୂଳପାଣି ଶତପଥୀ, ଅରକ୍ଷିତ ପରିଚ୍ଛା ଉପସ୍ଥିତ ଥିଲେ ।ଦାଦୀଜୀ ତ୍ୟାଗ , ତପସ୍ୟା ,ମିଠାବାଣୀ କିପରି ସାରା ବିଶ୍ୱସ୍ତରରେ ସୃଷ୍ଟି କରିଥିବା ବନ୍ଧୁତା ଭାବକୁ ରାଜଯୋଗିନୀ ବ୍ରହ୍ମାକୁମାରୀ ସନ୍ତୋଷିନୀ ଭଉଣୀ ପୁଙ୍ଖାନୁପୁଙ୍ଖ ଭାବରେ ଆଲୋଚନା କରିଥିଲେ। ବ୍ରହ୍ମା କୁମାର ବୈକୁଣ୍ଠ ଭାଇ ସଭା ପରିଚାଳନା କରିଥିବା ବେଳେ ବ୍ରହ୍ମା କୁମାରୀ ପ୍ରାପ୍ତି ଭଉଣୀ ଧନ୍ୟବାଦ ଜ୍ଞାପନ କରିଥିଲେ। ୪୨ୟୁନିଟ ରକ୍ତ ସଂଗ୍ରହ ହୋଇଥିଲା । ବ୍ରହ୍ମା କୁମାରୀ ଅଲିଭା, ଅନୀତା, ପିଙ୍କି, ପ୍ରାପ୍ତି ଭଉଣୀ ସମେତ ଅନ୍ୟ ଭାଇଭଉଣୀଙ୍କ ସହଯୋଗରେ ଶୃଙ୍ଖଳିତ ଭାବେ ସମସ୍ତ କାର୍ଯ୍ୟ ସଂପାଦନ ହୋଇଥିଲା ।
